ANGUKO

Nina ipata faraja, kwa pendo la Maulana

Sina gumizi kutaja, kwa nguvu za Subuhana

Na giza likisha kuja, kimbilio kwa Rabana

Mbishi hana ujanja, kauli yao ya jana

Kumbukumbu sifa njema, sipokupa maumivu

Ukikumbuka kilema, na ukalishika kovu

Mwili utakuzizima, na kupata ukamavu

Mbishi hana ujanja, kauli yao ya jana

Vunjiko kuu la moyo, halinipi majutio

Mengi yavunjikayo, nayaziba masikio

Ninayafuata hayo, kupata mafanikio

Mbishi hana ujanja, kauli yao ya jana

Mimi wa kuvaa moja,siwezi lilia mbili

Ninavikwepa vioja, wanione wa akili

Naliuita umoja, wakaja tukajadili

Mbishi hana ujanja, kauli yao ya jana

Tukasemezana kucha, lakini hawaku afiki

Walifunga na mabucha, utii wa kinafiki

Walibaki kula kucha, ni njia za kizandiki

Mbishi hana ujanja, kauli yao ya jana

Wakabomoa daraja, lilo jengwa vitabuni

Na bado wana bwabwaja, hawajui nina nini

Wananiona buwaja, mfamaji wa ziwani

Mbishi hana ujanja, kauli yao ya jana

Zile ngumi za fahari,na  nyika zikaumia

Kwa yangu tafakari, aridhi zakaukia

Kutulambisha shubiri, huku watupulizia

Mbishi hana ujanja, kauli yao ya jana