WALI WA KOROSHO, MBOGA ZA MAJANI NA UYOGA

MAHITAJI

1 kilo ya wali uliopikwa 

360 gram ya mchanganyiko wa mboga majani

3 fungu la majani ya vitunguu kata kata

120 gram korosho mbichi

2 Garlic cloves

150 gram uyoga kata kata

1 tangawizi menya na kisha kata kata vipande vidogo

1 kijiko kikubwa cha chakula mafuta ya kupikia

2 kijiko kikubwa cha chakula Soy Sauce

5 gram pili pili manga

5 gram chumvi

1 fungu la celery kata kata vipande vidogo

1 kitunguu swaumu

 

JINSI YA KUANDAA FATILIA PICHA NA MAELEZO HAPO JUU

 

 

Kufanya urahisi hasa kwasisi tunaoishi nje ya nchi baadhi ya mboga majani kuzipata fresh ni shida unaweza nunua mchanganyiko wa mboga majani uliogandishwa, yenye mchanganyiko wa carrots, beans, peas na corn.Hii itakuasaidia kuokoa muda wa kukatakata au kuandaa lakini ukipata fresh ni bora zaidi kwani nyumbani Tanzania kuna ubora utajiri wa mboza za majani.

 

Washa jiko liwe na moto mkali kisha weka kikaango pia weka mafuta yapate moto. Halafu tupia korosho kanga mpaka ziwe na rangi ya kahawia

 

Kisha toa korosho weka pembeni katika kikaango hicho hicho kilichopata moto weka majani ya vitunguu maji, celery, kitunguu swaumu na tangawizi kanga kiasi ukishapata harufu safi wa kuiva kwa mboga ndani ya dakika moja tu.

 

Kisha tupia mchanganyiko wa mboga majani na uendelee kukaanga kwa dakika moja tu.

 

Kisha tupia uyoga uliokatwa katwa endelea kukaanga.

 

Kisha mwagia soya sauce pia unaweza ongezea na chili sauce kidogo kama unatumia.

 

Kisha tupia wali wako uliokwisha pikwa ukaiva na uendelee kukaanga

 

kisha weka chumvi na pili pili manga na uonje uangalie kama ladha inatosha

 

mwisho weka korosho na uendelee kukoroga changanya vizuri 

 

Hakikisha imechanganyika vizuri.

 

Chakula hiki kinajitosheleza hakikisha unampatia mlaji ale kikiwa cha moto pia hakipendezi kulala na kupashwa kinapoteza ladha na ubora. Unaweza kula kama kilivyo au unaweza kula na nyama choma, samaki wa kukaangwa au mchuzi mzito wa nyama hata maharage,

WAANDALIE FAMILIA WAFURAHIE NI RAHISI NA NAFUU SANA

KWA HABARI ZA HIVI PUNDE TANZANIA LEO jiunge na AKISITV na www.akisitv.com updates zote utazikuta humu