ASENSIO KUVUNJA DILI LA HAZARD KUTUA REAL MADRID

Katika pambano la El Clasico, chipukizi Marcos Asensio wa Real Madrid aliingia kipindi cha pili na kuonesha kiwango kizuri kizuri.

Asensio alivutia kwa jinsi alivyokuwa akikokota mpira kuwafuata mabeki wa Barcelona bila woga.

Kuumia kwa Gareth Bale dakika ya 39 kulimpa nafasi Asensio mwenye umri wa miaka 21 kung’ara na sasa anatajwa kuwageuza fikra Real Madrid wanaomwania Eden Hazard.

Kiwango cha Asensio kimepunguza uchu wa Real Madrid kumfuatilia Hazard ambaye kumng’oa Chelsea kunawalazimu Kuvunja rekodi ya dunia.

Madrid wameanza kuamini Hazard hana nafasi kutokana na uwepo wa Isco, Asensio na Gareth Bale huku James Rodriguez naye akikosa nafasi na ni wazi siku zake Santiago Bernabeu zinahesabika.